12:00/ 13 tetor/ 2025

Shkup - Agjencia për Shërbime Mediatike Audio dhe Audiovizuale (ASHMAA), rikujton transmetuesit se konform Kodit zgjedhor, rezultatet e sondazheve të opinionit publik në lidhje me zgjedhjet lokale të vitit 2025 mund të publikohen jo më vonë se pesë ditë para datës së caktuar për raundin e parë të zgjedhjeve, pra jo më vonë se ora 24:00 më 13 tetor 2025.

Shkup- Gjykimi kundër Zoran Jovanovit i akuzuar për "rrezikim të sigurisë në komunikacion me veprime ose mjete të rrezikshme", sot u anulua në Gjykatën Themelore Penale në Shkup për shkak të mungesës së prokurorit Aleksandar Markovski. Sipas informacioneve, Markovski paralajmëroi se do të marrë pjesë në Konventën e Varshavës, prandaj nuk mori pjesë në seancë. 

Shkup - Në vijim është shpërndarja e vaksinave kundër gripit sezonal në institucionet publike shëndetësore. Gjatë kësaj jave, qytetarët që janë paraqitur për vaksinim falas do të njoftohen me mesazh SMS për termin e tyre të vaksinimit, informoi Ministria e Shëndetësisë (MSH). Siç theksojnë, Vaksinimi kundër gripit sezonal do të realizohet në 35 pika vaksinimi në të gjithë vendin, prej të cilave 5 në Shkup.

Bruksel - Evropa mbështet plotësisht planin paqësor të dakorduar nga SHBA, Katari, Egjipti dhe Turqia dhe finalizimi i sotëm i marrëveshjes në Sharm el Sheik që i jep fund luftës do të paraqesë një moment historik, tha kryetarja e Komisionit Evropian, Ursula fon der Lajen në prag të nënshkrimit të marrëveshjes për t'i dhënë fund luftës në Gazë.

Lubjanë - Sekretari i përgjithshëm i NATO-s, Mark Rute sot është për vizitë zyrtare në Slloveni, ku do të marrë pjesë në seancë të përbashkët të Asamblesë parlamentare të Aleancës në Lubjanë.

Londër - Britania e Madhe do të jetë nikoqir i konferencës ndërkombëtare kushtuar ardhmërisë së Rripit të Gazës, do të njoftojë kryeministri Kir Starmer gjatë vizitës në Egjipt, ku merr pjesë në nënshkrimin e planit paqesor, kumtoi Qeveria britanike.

Londër - Televizioni kabllovik muzikor amerikan "Em-ti-vi (MTV), rrjeti i parë, i cili emeton pop-muzikë 24 orë në ditë, do t'i mbyll kanalet e veta në Britaninë e Madhe dhe në Evropë, pas pothuaj 50 viteve.

Sharm el Sheik - Samiti për Gazën i cili sot pasdite do të mbahet në vendpushimin Sharm el Sheik në Egjipt, do të fillojë me bisedime midis presidentëve të Egjiptit dhe të SHBA-së, Abdel Fatah al Sisi dhe Donald Tramp, pas çka do të vijojë seanca plenare me prezencën e liderëve dhe shefave të shteteve, njofton gazeta "Al Ahram", duke cituar programin paraprak.

Uashington - Presidenti amerikan Donald Tramp deklaroi se nuk e përjashton mundësinë që SHBA-ja të dërgojë raketa lundruese "Tomahavk" në Ukrainë, të cilat, sipas tij, mund të ushtrojnë presion mbi Rusinë dhe të kontribuojnë në përfundimin e luftës.

Uashington - Presidenti i SHBA-së, Donald Tramp, ka anuluar urdhrat për faljen e 37 kriminelëve të dënuar, të lëshuar më parë nga paraardhësi i tij Xho Bajden, raporton "Uollstrit xhurnal" (WSJ). 

Jerusalem - Presidenti i SHBA-së, Donald Tramp sot në aeroportin izraelit "Ben Gurion" u prit nga presidenti dhe kryeministri i Izraelit, Isak Hercog dhe Benjamin Netanjahu.

Tel Aviv - Edhe 13 pengjet e fundit të gjalla që mbaheshin nga Hamasi në Rripin e Gazës janë liruar dhe iu dorëzuan Komitetit Ndërkombëtar të Kryqit të Kuq, njoftuan mediat izraelite. Më herët sot, shtatë izraelitë të rrëmbyer u liruan, që do të thotë se pas 738 ditësh robërie, Hamasi nuk mban më asnjë peng të gjallë në Gazë.

Johanesburg- Të paktën 42 persona humbën jetën në aksidentin e mbrëmshëm në rajonin malor të pjesës veriore të Afrikës së Jugut. 

Uashington- Pamela Bondi është prokurorja e përgjithshme ose, në fjalorin tonë, prokurorja e përgjithshme e Shteteve të Bashkuara. Ajo u emërua gjatë kohës së Donald Tramp, si prokurore që duhet të merret me krimin në Shtetet e Bashkuara, si dhe me abuzimin e pushtetit politik për të ndjekur penalisht kundërshtarët politikë, një praktikë që u përdor gjatë presidencës së Xho Bajdenit. Ajo ka kundër saj të gjithë demokratët në Kongres, disa prej të cilëve, siç theksoi Sekretari i Shëndetësisë Kennedy, janë të korruptuar, dhe marrin miliona, duke i treguar disa prej tyre me emër dhe mbiemër. Javën e kaluar, ajo pati një përballje në Senat dhe luftoi e vetme kundër kundërshtarëve të saj demokratë, duke lënë një përshtypje të pabesueshme që ia vlen të përmendet. Këto janë disa nga pikat dhe segmentet nga seanca dëgjimore që zgjati më shumë se pesë orë dhe lufta e Pamela Pam Bondi të njohur me senatorët demokratë, gjatë së cilës ajo u tha disa prej tyre në fytyrë se ishin të korruptuar. Këto janë disa nga pikat nga seanca.