Buenos Aires, 11 gusht 2026 (MIA) - Futbollisti i Inter Majamit, Lionel Mesi, ka vendosur të bëjë një pushim nga futbolli pas humbjes së babait të tij, Horhe Mesi, raportoi "DobleAmarilla".

Argjentinasi 39-vjeçar do të mbetet në Argjentinë për të mbështetur familjen e tij. Kthimi i tij në SHBA nuk është përcaktuar ende.

Pasi mësoi për vdekjen e babait të tij, Mesi pezulloi detyrat e tij aktuale në klub dhe udhëtoi për në shtëpi. Ai po shtyn paraqitjet e tij për Inter Majamin deri në njoftimin e mëtejshëm.

Babai i Lionelit vdiq më 7 gusht në një spital në Rosario. Ai ishte 68 vjeç. Funerali i tij u mbajt më 9 gusht. Gazetari Fran Kasareto raportoi më vonë se futbollisti synon të padisë anëtarët e medias argjentinase për shkelje të privatësisë së tij gjatë funeralit. sa/

Foto: EPA