Romë, 15 maj 2025 (MIA) - Futbollistët e Bolonjës e fituan Kupën e Italisë, pasi mbrëmë në Stadiumin olimpik në finalen në Romë e fituan Milanin me rezultatin 1:0. Golin e vetëm e shënoi Dan Endoj në minutën e 53-të.

Bolonja e fitoi kupën e tretë në histori, por të parin pas 51 viteve, respektivisht në vitin 1974.

Trajneri i Bolonjës, Vinçenco Italiano nuk e ka fshehur gëzimin e tij pas fitimit të trofeut.

"Pas disa zhgënjimeve, mendoj se fitorja e Bolonjës ishte e merituar. Gjithashtu, pasi luajtëm një ndeshje të shkëlqyer dhe djemtë dhanë një performancë të jashtëzakonshme. Në pjesën e dytë, ne iu përgjigjëm të gjitha hapave të Milanit", tha Italiano.

Vetëm pesë ditë më parë, Bolonja u mposht nga Milani (3:1) në Serie A, por kjo nuk ndikoi negativisht në ekip.

"Këtë sezon bëmë një rrugë të shkëlqyer drejt trofeut, të gjithë së bashku. Këta njerëz e meritonin çmimin. Sa për mua, vij nga tre finale që i kam humbur me Fiorentinën. Këto janë zhgënjime të mëdha, nuk mendoja se do të kisha sukses menjëherë me Bolonjën. Ia dedikoj trofeun familjes Barone (drejtori i Fiorentinës, i cili vdiq vitin e kaluar)”, tha italiani. bsh/

Foto: Printskrin