Irani përsëriti se do të përgjigjet për vrasjen e Hanias
- Ministri iranian i Punëve të Jashtme Abas Aragçi përsëriti se vendi i tij do t'i përgjigjet vrasjes së liderit politik të grupit militant Hamas, Ismail Hania, muajin e kaluar në Teheran.
- Post By Ajrije Rexhepi
- 10:32, 26 gusht, 2024
![Irani përsëriti se do të përgjigjet për vrasjen e Hanias](https://mia.mk/images/20240826103228_big_730x400_93.webp )
Teheran, 26 gusht 2024 (MIA) - Ministri iranian i Punëve të Jashtme Abas Aragçi përsëriti se vendi i tij do t'i përgjigjet vrasjes së liderit politik të grupit militant Hamas, Ismail Hania, muajin e kaluar në Teheran.
"Reagimi i Iranit ndaj sulmit terrorist izraelit në Teheran është përfundimtar dhe do të jetë i matur dhe i llogaritur mirë. Nuk kemi frikë nga përshkallëzimi, por nuk po e kërkojmë atë - për dallim nga Izraeli, ka shkruar Aragç në X.
Aragçi deklaroi se këtë e tha në një bisedë telefonike me ministrin italian të Punëve të Jashtme Antonio Tajani.