Bogata, 11 shtator 2026 (MIA) - Kolumbiani Hames Rodrigez ka nënshkruar një kontratë njëvjeçare me Atletiko Nasional. Ky do të jetë klubi i 14-të për 35-vjeçarin, i cili ka luajtur në 12 vende të ndryshme. Rodrigez luajti për herë të fundit për Minesota Junajted në Ligën e MLS-së.

Ai u largua nga vendi i tij i lindjes në moshën 16 vjeç dhe nga viti 2008 luajti për ekipin argjentinas Banfield, ndërsa më pas pasuan transferimet në Porto dhe Monako. Pas Kupës së Botës 2014, ku luajti një kampionat të shkëlqyer, ai bëri një transferim te Real Madrid me vlerë 75 milionë euro. Me fanellën kolumbiane në atë Kupë Bote, ai shënoi gjashtë gola dhe fitoi "Këpucën e Artë".

Hames Rodrigez mbetet një nga futbollistët më të famshëm të Kolumbisë, duke luajtur 131 herë për ekipin kombëtar dhe duke shënuar 31 gola. Ai fitoi gjithsej 25 trofe për klubet për të cilat luajti, përfshirë dy tituj të Ligës së Kampionëve me Real Madridin në 2016 dhe 2017.

Foto: EPA