Shkup, 29 gusht 2024 (MIA) - Në Universitetin "Shën Cirili e Metodi"-Shkup sot dhe nesër është paraqitja e në afatin e parë të regjistrimit në vitin e parë të studimeve universitare në vitin akademik 2024/2025. Në 23 fakultete në pëbërje të USHCM janë 9921 vende të lira për studentë të rinj, 4761 nga të cilët për studentë të rregullt me kuotë shtetërore, 4210 për studentë të rregullt, të cilët do t'i bashkëfinancojnë studimeve dhe 950 vende për studentë me korrespondencë.

Sipas Konkursit, të cilin USHCM e publikoi në qershor, edhe në vitet e kaluara, numër më të madh të vendeve të lira ka në Fakultetin për Shkenca Informatike dhe Inxhinieri Kompjuterike - FSHIK (1020), Fakultetin Matematiko-Shkencor (1030), Fakulteti Filozofik me 895 vende, Fakultetin Filologjik me 790, Fakultetin Juridik me 705, Fakulteti Ekonomik me 700 vende të lira...

Çmimi i participimit për studimet për studentët e rregullt në kuotën shtetërore është i pandryshuar dhe mbetet 200 euro në vit, ndërsa për studentët që do t'i bashkëfinancojnë studimet dhe studentët me korrespondencë, vlera është 400 euro, si në vitet e mëparshme.

Konkursi përmban kushtet dhe kriteret për regjistrim, mënyrën e llogaritjes së pikëve nga provimi i maturës shtetërore dhe suksesin e arritur në arsimin e mesëm dhe dokumentet e nevojshme për aplikim.

Rezultatet e periudhës së parë të regjistrimit të USHCM do të shpallen më 3 shtator, lista përfundimtare më 6 shtator dhe më 11 dhe 12 shtator do të bëhet regjistrimi i kandidatëve të pranuar.

Afati i dytë i regjistrimit në Universitetin e Shkupit është më 17 dhe 18 shtator dhe i treti më 27 shtator 2024.

Në qershor, Ministria e Arsimit dhe Shkencës i shpalli kuotat e përcaktuara për regjistrim në vitin e parë - cikli i parë i studimeve në institucionet e arsimit të lartë publik në vitin akademik 2024/2025, sipas vendimit të Qeverisë.

“Shën Klimenti i Ohrit” - Manastir ka gjithsej 2404 vende të lira (1309 për studentë të rregullt në kuotën shtetërore, 679 për studentë të rregullt me ​​bashkëfinancim të studimeve dhe 416 vende për studentë me korrespondencë).

Në Universitetin Shtetëror të Tetovës ka gjithsej 4752 vende të lira (2477 në kuotën shtetërore, 1615 me bashkëfinancim të studimeve dhe 660 studentë me korrespondencë).

Në Universitetin "Goce Dellçev" - Shtip janë gjithsej 3983 vende të lira (për studentë të rregullt në kuotën shtetërore 2223, për studentë të rregullt me ​​bashkëfinancim të studimeve 950 dhe për studentë me kohë të pjesshme janë 810 vende të lira).

Në Universitetin për Shkenca Informatike dhe Teknologjike "Shën Apostul Pali" në Ohër ka vende për 364 studentë të vitit të parë (200 në kuotë shtetërore, 90 me bashkëfinancim të studimeve dhe 74 për studentë me kohë të pjesshme).

Në Universitetin “Nënë Tereza” në Shkup janë gjithsej 1805 vende të lira për studentë (në kuotën shtetërore 1260, 325 për studentë të rregullt me ​​bashkëfinancim të studimeve dhe 220 për studentë me korrespondencë). mb/

Foto: MIA