Londër, 10 shtator 2026 (MIA) - Rezervat e Ukrainës me raketa amerikane "AIM-120" dhe "AIM-9" të destinuara për aeroplanët "F-16", si dhe interceptorët "PAC-3" për sistemin "Patriot", së shpejti do të shterojnë, publikoi sot e përjavshmja britanike "Ekonomist" (the Economist), në kushte të rritjes së prodhimit rus të raketave dhe dronëve. 

Sipas vlerësimeve të cituara nga e përjavshmja britanike, Rusia në muaj prodhon rreth 3.000 dronë "Geran-4" dhe "Geran-5", disa prej të cilëve mund të arrijnë shpejtësi prej 600 kilometrash në orë, si dhe rreth 100 raketa balistike, përfshirë rreth 60 raketa "Iskander-M".

"Ekonomist" beson se dërgesat në shkallë të gjerë të raketave "PAC-3" nga SHBA-ja në një afat të shkurtër janë të pamundura.

Kievi po mbështetet veçanërisht në dërgesat e reja të sistemeve franko-italiane "SAMP/T" dhe raketave "Aster".

Ukraina dhe disa prodhues evropianë po zhvillojnë gjithashtu një sistem interceptorësh "Freja" më të lirë dhe të prodhuar në masë, të projektuar posaçërisht për të zvogëluar varësinë nga raketat amerikane "PAC-3", thekson e përjavshmja britanike.

foto: arkivi i MIA-s