Drejtori dhe një mësimdhënës i një shkolle janë lënduar gjatë të shtënave në jug të Francës
- Drejtori dhe një mësimdhënës i një shkolle në qytezën Obanj në departamentin Bush-di-Ron në jug të Francës sot morën plagë zjarri gjatë sulmit të armatosur të të dyshuarit - nxënësit 14-vjeçar.
- Post By Arta Bunjaku
- 13:22, 12 tetor, 2026
Marsejë, 12 tetor 2026 (MIA) - Drejtori dhe një mësimdhënës i një shkolle në qytezën Obanj në departamentin Bush-di-Ron në jug të Francës sot morën plagë zjarri gjatë sulmit të armatosur të të dyshuarit - nxënësit 14-vjeçar.
Ata janë plagosur para shkollës "Zhozef Lakanal" në Obanj pasi që një nxënës qëlloi nga pistoleta e kalibrit 9 mm dhe nga një pushkë, transmeton "Figaro".
Mediat franceze raportojnë se janë dëgjuar të paktën katër të shtëna me armë zjarri.
Drejtori 53-vjeçar i shkollës u plagos në këmbë nga predha të një pushke, ndërsa një mësues 37-vjeçar u godit në kofshë nga një plumb që kishte bërë rikoshet.
Pas alarmit, në vendngjarje mbërritën zjarrfikësit dhe ekipet e emergjencës, të cilat u dhanë ndihmën e parë dy të plagosurve. Sipas një burimi të cituar nga BFMTV, jeta e tyre nuk është në rrezik.
Policia ka arrestuar një 14-vjeçar, i cili dyshohet se hapi zjarr brenda shkollës. Rrethanat dhe motivet e ngjarjes mbeten për t’u sqaruar.
Fotо: Figaro skrinshot