Tiranë, 14 maj 2026 (MIA) - Në një zhvillim të rrallë politik në parlamentin e Shqipërisë, shumica dhe opozita bashkuan forcat dhe votuan për Draft-rezolutën për procesin e integrimit evropian të vendit.

Rezolutën e mbështetën 114 deputetë dhe vetëm një abstenoi.

Në një kohë kur qëndrimet midis socialistëve në pushtet dhe demokratëve të opozitës duket se po thellohen, në Parlament është shfaqur një "tym i bardhë" për të arritur një konsensus mbi këtë dokument.

Rezoluta parashikon bashkëpunim gjithëpërfshirës dhe angazhim të përbashkët për të çuar përpara procesin e anëtarësimit të Shqipërisë në Bashkimin Evropian.

Theksohet nevoja për një dialog gjithëpërfshirës politik dhe shoqëror, me qëllim sigurimin e një konsensusi kombëtar për prioritetet evropiane.

Konsensusi midis partive politike është një nga rastet e rralla të bashkëpunimit të gjerë në Parlament për çështje që lidhen me integrimin evropian, duke sinjalizuar një qëndrim të unifikuar në lidhje me procesin e negociatave me BE-në.

Miratimi i këtij dokumenti u mirëprit nga presidenti Bajram Begaj, duke deklaruar se ishte "një përgjigje e përshtatshme ndaj Raportit për progresin e Shqipërisë 2025 të Komisionit Evropian".

Përmes një reagimi në Fejsbuk, Begaj thotë se kjo rezolutë shënon të vetmen qasje të bashkëpunimit, kompromisit dhe konsensusit për të arritur këtë qëllim strategjik kombëtar. sa/

Foto: parlament/Begaj Fejsbuk