Prishtinë, 11 gusht 2026 (MIA) - Bashkimi Evropian u ka bërë thirrje të gjitha partive politike në Kosovë që urgjentisht të arrijnë marrëveshje për zgjedhjen e presidenti të ri dhe të bashkëpunojnë për të kapërcyer krizën politike disavjeçare, duke paralajmëruar se bllokada e institucioneve kërcënon seriozisht rrugën evropiane të vendit.

“BE-ja u ka bërë thirrje vazhdimisht të gjithë aktorëve politikë që të sigurojnë stabilitetin institucional. Është thelbësore që institucionet e Kosovës të konstituohen pa vonesa të mëtejshme, në përputhje me kornizën kushtetuese dhe procedurat e përcaktuara”, deklaroi zëdhënësi i Komisionit Evropian për televizionin RTV21 të Kosovës, raportoi gazeta “Gazeta Ekspres”.

Zëdhënësi i KE-së nënvizoi se arritja e marrëveshjes së shpejtë ndërmjet partive politike për kandidatin konsensual për president është me rëndësi të veçantë. 

“Vetëm dialogu efikas ndërpartiak dhe qëllimi i përbashkët do t’i mundësojnë Kosovës që t’i ndjekë interesat e përbashkëta dhe t’i pengojë reformat të cilat i kërkojnë qytetarët e saj në rrugën drejt BE-së”, shtoi ai. 

Komisioni Evropian paralajmëroi më tej se për shkak të bllokimit të vazhdueshëm politik, Kosova përballet me rrezikun e humbjes së deri në 165,9 milionë eurove në mjete financiare nga Instrumenti i Reformës dhe Rritjes. Sipas këtij programi, Prishtina duhet të zbatojë më shumë se 100 hapa, që përfshijnë reformat në administratën publike, sundimin e ligjit, energjinë, digjitalizimin, zhvillimin e sektorit privat dhe arsimin.

Kosova gjendet në krizë të thellë politike që nga zgjedhjet e mbajtura më shkurt të vitit 2025. Gjatë 18 muajve të kaluar ishin mbajtur tre cikle të zgjedhjeve të parakohshme parlamentare, por asnjë nuk solli zgjidhjen e qorrsokakut politik. 

Në zgjedhjet e fundit të parakohshme, të mbajtura më 7 qershor, Lëvizja Vetëvendosje e Kosovës e kryeministri Albin Kurti, fitoi 47,13 për qind të votave (53 nga 120 vende parlamentare). Me këtë rezultat, Kurti dështoi përsëri të siguronte shumicën, duke e detyruar të hynte në negociata me partitë opozitare për të zgjedhur president të ri, kryetar të Kuvendit dhe për të formuar qeverinë e ardhshme.

Ndërkohë, afati kushtetues për zgjedhjen e presidentit dhe nënkryetarëve të Kuvendit të Kosovës skadoi zyrtarisht në fund të javës së kaluar. Një ditë më parë, Kurti bllokoi procedurën duke mos nominuar kandidat për kryetar të parlamentit, duke e kushtëzuar këtë vendim me dështimin e negociatave për presidencën me Lidhjen Demokratike të Kosovës të qendrës së djathtë - e vetmja parti që aktualisht po negocion me Vetëvendosjen. fc/

Foto: Arkivi