Borell u bëri thirrje aleatëve të Ukrainës që të heqin kufizimet për të goditur objektivat në Rusi me armët që i kanë siguruar
- Shefi i diplomacisë evropiane, Zhozep Borell, sot u ka bërë thirrje aleatëve të Ukrainës që të heqin kufizimet për të goditur objektiva në Rusi me armë të siguruara prej tyre.
![Borell u bëri thirrje aleatëve të Ukrainës që të heqin kufizimet për të goditur objektivat në Rusi me armët që i kanë siguruar](https://mia.mk/images/20240829142341_big_730x400_76.webp )
Bruksel, 29 gusht 2024 (MIA) - Shefi i diplomacisë evropiane, Zhozep Borell, sot u ka bërë thirrje aleatëve të Ukrainës që të heqin kufizimet për të goditur objektiva në Rusi me armë të siguruara prej tyre.
SHBA-ja po kufizon përdorimin e raketave balistike me rreze të gjatë veprimi që i ofron Ukrainës. Kufizime për përdorimin e armëve kanë vendosur edhe disa vende të Bashkimit Evropian.
“Ne duhet të heqim kufizimet për përdorimin e armëve kundër objektivave ushtarake ruse, në përputhje me ligjin ndërkombëtar”, deklaroi Zhozep Borell para takimit të sotëm në Bruksel të ministrave të punëve të jashtme të vendeve të BE-së.
“Armët që po i japim Ukrainës duhet të përdoren deri në potencialin e tyre të plotë dhe kufizimet të hiqen në mënyrë që ukrainasit të mund të sulmojnë vendet nga të cilat Rusia po i bombardon. "Përndryshe, arma është e padobishme," tha Borel.
Ai shtoi se vendet e BE-së duhet të shqyrtojnë mënyra për të anashkaluar veton e Hungarisë, sepse është e papranueshme që vetoja e një vendi të BE-së të mos lejojë përdorimin e gjashtë miliardë eurove në kuadër të Fondit Evropian të Paqes për të kompensuar ndihmën ushtarake që tashmë i është siguruar Ukrainës. ls/
Foto: Arkivi i MIA-s