Arrestohet një shtetase e RMV-së në Kosovë për shkak të mashtrimit
- Policia e Kosovës ka njoftuar se të dielën e ka arrestuar një shtetase të Maqedonisë së Veriut, nën dyshimin për mashtrim, njofton korrespondenti i MIA-s nga Prishtina.
- Post By Melahat Baftija
- 12:35, 26 gusht, 2024
![Arrestohet një shtetase e RMV-së në Kosovë për shkak të mashtrimit](https://mia.mk/images/20240826123521_big_730x400_81.webp )
Prishtinë, 26 gusht 2024 (MIA) - Policia e Kosovës ka njoftuar se të dielën e ka arrestuar një shtetase të Maqedonisë së Veriut, nën dyshimin për mashtrim, njofton korrespondenti i MIA-s nga Prishtina.
Në raportin e sotëm 24-orësh të policisë thuhet se e dyshuara më 12 korrik në qytetin e Podujevës ka mashtruar një person për një pagesë të caktuar.
“Me datë 25.08.2024 është arrestuar një e dyshuar femër, shtetase e Maqedonisë së Veriut, e cila ka mashtruar viktimën mashkull, kosovar, në lidhje me pagesën”, thuhet në njoftim.
Me urdhër të prokurorit kompetent të dyshuares i është caktuar masa e ndalimit. mb/