Teheran, 9 gusht 2026 (MIA) - Ministri iranian i Punëve të Jashtme, Abas Aragçi, deklaroi sot se ndërmjetësit ende "po përpiqen të gjejnë mënyra për të rinisur negociatat" me SHBA-në, por se aktualisht nuk ka mundësi për vazhdimin e tyre.

"Derisa nuk ndalen shkeljet e memorandumit të mirëkuptimit nga ana e SHBA-së dhe derisa SHBA-ja nuk e kompensojnë atë që e kanë shkelur, sipas mendimit tonë, nuk ka mundësi për të vazhduar negociatat", tha Aragçi në një aktivitet në Qendrën iraniane për Studime Politike dhe Ndërkombëtare në Ministrinë e Punëve të Jashtme, transmeton agjencia iraniane e lajmeve.

Ai shtoi se Irani po negocion me Omanin dhe se këto negociata "kanë të bëjnë me përcaktimin e një rruge të re detare në Ngushticën e Hormuzit". mb/

Foto: EPA