Berlin, 4 shtator 2026 (MIA) - Shumica e pjesëmarrësve në anketën "Dojçlandtrend" nga televizioni publik gjerman "A-Er-De" e konsiderojnë Rusinë një kërcënim për sigurinë e Gjermanisë, njoftoi DPA. 

Një total prej 56 për qind e të anketuarve besojnë se Gjermania aktualisht është e ekspozuar ndaj një kërcënimi serioz ose shumë serioz nga Rusia. Në krahasim, 39 për qind vlerësojnë se Rusia përbën pak ose asnjë kërcënim.

Qytetarët në pjesët perëndimore dhe lindore të vendit kanë pikëpamje dukshëm të ndryshme mbi këtë çështje. Ndërsa 59 për qind e të anketuarve në shtetet perëndimore gjermane e shohin Rusinë si një kërcënim të madh ose shumë të madh për sigurinë gjermane, përqindja në shtetet lindore arrin 42 për qind.

Për 36 për qind të gjermanoperëndimorëve, Rusia përbën pak ose asnjë kërcënim për sigurinë e vendit, ndërsa për gjermanolindorët, kjo përqindje arrin 47 për qind.

Foto: arkivi i MIA-s