Shkup, 12 shtator 2026 (MIA) - Zjarri në afërsi të fshatit Belicë në Komunën e Makedonski Brodit është ende aktiv. Ekipet e NP "Jasen" dhe ekipet e Drejtorisë për Mbrojtje dhe Shpëtim janë në terren dhe po veprojnë.

Për momentin, siç informoi drejtori i DMSh Stojançe Angellov, në terren punojnë më shumë se 60 persona si nga Shkupi ashtu edhe nga Makedonski Brodi.

"Fshati në asnjë mënyrë nuk do të jetë i rrezikuar. Zjarri është larg fshatit", deklaroi  Stojançe Angellov në një deklaratë për MIA-n, duke shpjeguar se ekipet e DMSh me pincgauer dhe ekipe të përbëra nga vullnetarë po veprojnë me fryrës dhe po krijojnë breza zjarri në vendet ku zjarri mund të depërtojë në një pyll pishe cilësor.

Fotografi nga banorë të fshatit Beëicë nga zjarri gjatë natës

 Në territorin e shtatot deri në orën 13, sipas Qendrës për Menaxhim me Kriza, ka 12 zjarre, pesë prej të cilave janë aktive, pesë janë nën kontroll dhe dy janë shuar.

Fotografia nga banorë të fshatit Belicë nga zjarri gjatë natës

Për stabilizimin e gjendjes me zjarret në mënyrë shtesë pritet pozitivisht të ndikojë edhe në paralajmërimin e  Drejtorisë për Punë Hidrometereologjike Shkup për reshje.  Nga DPH para gjysmë ore informuan për paqëndrueshmëri në pjesët perëndimore, me reshje më intensive në rajonin e Kërçovës dhe në zonat malore veriperëndimore, duke lëvizur nga jugperëndimi në verilindje.

 Foto: MIA