Ohër, 20 qershor 2025 (MIA) - Në SPB Ohër dje në ora 22.30 u denoncua se në rreth-rrotullimin e bul. "Turistiçka" me rr. "Jane Sandanski" në Ohër, automjeti i pasagjerëve "Folksvagen Golf" me targa regjistrimi të Ohrit, i drejtuar nga I.S. (22) nga f. Pashino Ruvci, rrethi i Prilepit, me qëndrim në Ohër, është përplasur në shtyllë metalike, dhe më pas edhe në këmbësorët A.B. (44) nga Ohri dhe D.P. (52) nga Shkupi.

MPB njofton se nga lëndimet e pësuara A.B. ndërroi jetë në Spitalin Special "Sh. Erazmo", ndërsa mjeku  konstatoi vdekjen.

"Lëndime të rënda trupore pësoi D.P., ndërsa lëndime trupore pësuan shoferi I.S. dhe bashkudhëtari i tij K.M. (19), të konstatuara në spitalin "Sh. Erazmo" dhe në Spitalin e Përgjithshëm Ohër.
Këqyrjen e vendit të ngjarjes e kreu ekipi i SPB Ohër, ndërsa me urdhër të Prokurorit publik, I.S. u privua nga liria për shkak të ekzistimit të bazave të dyshimit për kryerjen e  veprës penale sipas nenit 300 paragrafi 2 i Kodit Penal", thekson MPB-ja. mb/

Foto: MIA