0_Web_Актуелно0_Македонија.ПорталПолитикаПолитички партии

Ахмети: Преговорите за формирање влада може да почнат, уште нема ништо конкретно

Претседателот на ДУИ, Али Ахмети по завршување на конститутивната седница на Собранието, денеска за ТВ Алсат, изјави дека уште е да се збори за очекувањата на новото Собрание.

Скопје, 4 август 2020 (МИА) – Претседателот на ДУИ Али Ахмети денеска по завршување на конститутивната седница на Собранието изјави дека преговорите за формирање нова влада може да почнат, но оти уште нема ништо конкретно.

-Денеска беше конститутирано Собраието, сега ќе видиме која ќе биде агендата и кои ќе бидат приоритетите на Собранието, така што рано е да зборуваме за очекувањата, изјави Ахмети за Алсат М.

Тој додаде дека денеска може да почнат преговорите за формирање влада, но оти уште нема  ништо конкретно.

Денеска во Собранието на Република Северна Македонија, согласно здравствените протоколи за заштита од ширење на Ковид-19, во салата со Голема купола се одржа конститутивната седница на десеттиот парламентарен состав каде присуствуаа 117 од вкупно 120 пратеници избрани на предвремените парламентарни избори одржани на 15 јули. оџ/скс/

Back to top button
Close
Close