0_Web_Избор на уредникот0_Web_Насловна-слајдер0_Македонија.ПорталMakedonija.SlajderВидео изјаваПолитика

Џафери: 16 февруари последен датум за распуштање на Парламентот

Одговорот од ДИК, според Џафери, бил дека тоа треба да биде на 55 дена пред изборите што значи дека Парламентот би можел да се распушти најдоцна до 16 февруари.

Скопје, 10 февруари 2020 (МИА) – Претседателот на Парламентот Талат Џафери се обратил до Државната изборна комисија да се изјаснат кој е оптималниот рок за распуштање на Парламентот за да се испочитуваат сите постапки и рокови за одржување на предвремените парламентарни избори на 12 април.

Одговорот од ДИК, според Џафери, бил дека тоа треба да биде на 55 дена пред изборите што значи дека Парламентот би можел да се распушти најдоцна до 16 февруари.

Ова денеска го изјави претседателот на Собранието Џафери на заедничката прес-конференција со претседателот на словенечкиот Парламент, Дејан Жидан, посочувајќи исто така дека денеска како пратеник до Собранието доставил нова Предлог-одлука за распуштање на Парламентот.

-Нивниот одговор е оптималниот рок е 55 дена пред денот на гласање што значи денот на гласањето треба да биде 56-иот ден, рече Џафери.

Во однос на Законот за јавно обвинителство Џафери кажа дека овој закон и законот за Советот за јавни обвинители се ставени на дневен ред на седница закажана за 17 часот.

Во врска со информациите дека ДУИ, Беса и Алијанса на Албанците нема да го поддржат законот бидејќи е различна верзија од она што е договорено, Џафери рече дека како претседател на Собранието нема право на влијание врз материјалниот дел на законот. Според него, политичките партии треба да ги објаснат своите несогласувања и до 17 часот сите имаат можност да направат корекции. ев/ац/

Изјави Џафери и Жидан

Posted by MИА.mk on Понеделник, 10 февруари 2020

Провери го и ова

Close
Back to top button
Close
Close