0_Спорт.ПорталФудбал

Ајакс го продаде Зијех за 40 милиони

Фудбалскиот клуб Ајакс одлично работи на финансиски план. Три дена по продажбата на Хаким Зијех за 40 милиони евра, холандскиот гигант ја пополни дупката во нападот за наредната сезона

Амстердам, 15 февруари 2020 (МИА) – Фудбалскиот клуб Ајакс одлично работи на финансиски план. Три дена по продажбата на Хаким Зијех за 40 милиони евра, холандскиот гигант ја пополни дупката во нападот за наредната сезона.

Управата на „копјаниците“ постигна договор со Сао Паоло за трансфер на Адријан за 20 милиони евра.

Олимпискиот репрезентативец на Бразил ќе се пресели во Амстердам во јуни. Дотогаш ќе остане во дресот на Сао Паоло за кој досега одигра 33 меча и постигна шест гола.

Ајакс забележа профит од над 150 милиони евра од продажба на играчи во сезоната 2018/19. Матијс де Лихт го испрати во Јувентус за 85,7 милиони евра, Френки де Јонг во Барселона за 75 милиони евра и Каспер Долберг во Ница за 20,5 милиони евра. сѓд/ми/

Таг
Back to top button
Close
Close