Општински вестиСкопје

Нов паркинг простор во Тафталице 1

Општина Карпош започна со реализација на нов паркинг простор на улицата „Варшавска“ бр. 4, во Тафталиџе 1.

Скопје, 17 јули 2019 (МИА) – Општина Карпош започна со изградба на нов паркинг простор на улицата „Варшавска“ бр. 4, во Тафталиџе 1.

Општина Карпош соопшти дека станува збор за површина што повеќе години беше руинирана и граѓаните беа приморани да паркираат во кал и прашина и оти со асфалтирањето на овој простор, ќе се спречи и дополнително загадување на населбата.

Исто така, во текот на летниот период локалната самоуправа ќе изврши и целосна реконструкција на улицата „Варшавска“, на потегот од кружниот тек кај гимназијата „Георги Димитров“ до булевар „8 Септември“.

Од општината апелираат до сите граѓани кои живеат во овој дел од Карпош, во текот на наредните денови своите возила да ги паркираат на друга локација, со цел непречено и навремено завршување на градежните активности за изведба на паркинг просторот. ев/сп/

Back to top button
Close