0_Спорт.ПорталSport.SlajderКошарка

Македонските кошаркари во шестиот шешир за квалификациите за ЕП 2021

Триесет и две репрезентации од Европа ќе се натпреваруваат на континенталното натпреварување, а првиот квалификациски прозорец е предвиден да се одигра во февруари 2020 година, вториот во ноември истата година, а последниот прозорец во февруари 2021 година.

Скопје, 19 јули 2019 (МИА) – Македонската кошаркарска репрезентација е сместена во шестиот шешир, заедно со Унгарија, Босна и Херцеговина и Холандија во квалификациите за ЕП кое ќе се одигра во 2021 година, во Чешка, Грузија, Германија и во Италија и против овие репрезентации нема да игра во евроквалификацискиот циклус. Ждребот е закажан за во понеделник (22. јули) во Минхен.

Триесет и две репрезентации од Европа ќе се натпреваруваат на континенталното натпреварување, а првиот квалификациски прозорец е предвиден да се одигра во февруари 2020 година, вториот во ноември истата година, а последниот прозорец во февруари 2021 година.

Осум групи ќе бидат составени од по четири тимови, откако системот наметнува секоја репрезентација да одигра натпревар против сите противници во групата, на домашен и на гостински терен. Првите три тима од секоја група, со исклучок на организаторите, ќе се квалификуваат на ЕП 2021. Од групите каде ќе бидат сместени организаторите ќе се пласираат две репрезентации.вз

Таг
Back to top button
Close