Дописници МКДОпштински вести

Министерот за образование ги одзеде надлежностите без одлука од второстепената комисија

Гостиварската локална власт е незадоволна од последната одлука на државниот просветен инспекторат и посочува дека последното одземање на ингеренциите во делот на образованието не во склад со законските прописи. Од општината посочуваат дека за ист случај дале две различни упатства. Градоначалникот Арбен Таравари смета дека станува збор за политички реваншизам.

Гостивар, 29 јули 2019 (МИА) – Гостиварската локална власт е незадоволна од последната одлука на државниот просветен инспекторат и посочува дека последното одземање на ингеренциите во делот на образованието не во склад со законските прописи. Од општината посочуваат дека за ист случај дале две различни упатства. Градоначалникот Арбен Таравари смета дека станува збор за политички реваншизам.

– Против мене се министерот за образование кој не се знае како ја добил дипломата и премиерот кој знае само да прави пазари. Им предложив да ги одземат ингеренциите на четири години и да ги дадат на ДУИ. Вака се изморени децата од овие случувања, рече Таравари и нагласи дека не очекува заштита од судските власти иако веќе покренале неколку постапки.

Шкеќим Весели од правната служба на денешната прес конференција министерот за образование му ги одзел надлежностите на градоначалникот без да има одлука од второстепената комисија како надлежен орган.

– Министерот за образование му ги одзеде надлежностите на градоначалникот без да има одлука од второстепената комисија како надлежен орган. Потоа, имаме одлуки на второстепената комисија кои се идентични со првото решение со кое се одземаат надлежностите. Тука се нагласува дека градоначалникот не е ниту првостепено, ниту второстепено тело, ниту орган кој може да врши контрола. Јавно ги прашуваме овие институционален орган е тогаш градоначалникот?, рече Весели и нагласи дека целата постапка била забрзана од страна на Државниот просветен инспекторат за да се стигне до политичката цел, да му се одземат овластувањата на градоначалникот.

Имено, во изминатиот период во два наврати на градоначалникот на Гостивар му се одземаат надлежностите во делот на назначување и разрешување на директори.

Според Весели, по враќање на надлежностите од општина Гостивар, од Државниот просветен инспекторат (ДПИ) било побарано да се утврди состојбата во сите училишта на Општина Гостивар. Од ДПИ е потврдено дека во сите училишта јавниот оглас за избор на директор не било во согласност со законот. По ова, градначалникот ги поништи решенијата за избор на директори и е извршено разершување на директорите.

Непосредно по локалните избори, актуелниот градоначалник ги смени раководните органи на училиштата и назначи „в.д. директори“. Во ноември 2017 година министерството за образование и наука (МОН) му ги одзеде ингеренциите на градоначалникот на општина Гостивар и ги врати на работа старите кадри.
Ингеренциите во делот на назначување и разрешување на директори во училиштата, по девет месеци повторно беа вратени на Општина Гостивар. Откако назначи директори, на Таравари повторно му беа одземени ингеренциите.

Градоначалникот Таравари во средбите со странските амбасадори го истакнал овој проблеми бидејќи како што рече не очекува правдата да исплива, кога во правосудниот систем има луѓе кои се лојални на ДУИ и ги штитат нивните функционери. згм/ир

Таг
Back to top button
Close