0_Web_Актуелно0_Македонија.ПорталПолитика

Средба на Пендаровски со Села – Одговорен пристап за исполнување на реформската агенда

Скопје, 21 мај 2019 (МИА) – Претседателот на Република Северна Македонија, Стево Пендаровски, денеска го прими претседателот на политичката партија Алијанса за Албанците, Зијадин Села.

Во соопштението од Кабинетот на Пендаровски се наведува дека претседателот на Алијансата за Албанците, Села, упати честитки до претседателот Пендаровски по повод стапувањето на функцијата и му посака успех во неговата работа.

На средбата се разговараше за политичката состојба во Република Северна Македонија и исполнување на стратешките цели и задачи во пресрет на значајниот период за државата.

Пендаровски повика на одговорен пристап на сите релевантни политички чинители во насока на исполнување на реформската агенда, а со цел напредок во европските и евроатлантските интеграции на Република Северна Македонија.

На средбата Пендаровски ја нагласи потребата политичките партии, и од власта, и од опозицијата, да демонстрираат заедништво, во функција на реализација на интересите на државата.скс/

Провери го и ова

Close
Back to top button
Close