Политички партии

СДСМ: Раст од 7,7 отсто на извозот во првиот квартал од 2019, позитивните тенденции во економијата продолжуваат

Позитивните тенденции во економијата продолжуваат.

Скопје, 10 мај 2019

Позитивните тенденции во економијата продолжуваат.

Според официјалните податоци на Државниот завод за статистика, вкупниот извоз во периодот јануари – март 2019 бележи раст од 7,7 отсто споредено со истиот период од 2018 година.

По растот на извозот во 2018 година, извозот бележи раст и во првото тромесечие од 2019 година.

Економските политики на Владата предводена од СДСМ и интензивирањето на процесот на евроинтеграциите, даваат реални резултати.

Според вкупниот обем на трговска размена Република Северна Македонија по Германија и Велика Британија, најмногу тргувала со Грција што е уште еден доказ дека решавањето на деценискиот спор позитивно влијае и ја унапредува економската соработка помеѓу двете земји.

Растот на извозот во првиот квартал покажува дека е вратена довербата во стопанството, олеснет е пристапот до нови пазари, а економијата е стабилизирана и се движи во нагорна линија.

По формалното пристапување во НАТО и интеграцијата во ЕУ, се отвораат можности за дополнително интензивирање на растот на извозот што ќе придонесе за поголемо и поконкурентно производство, нови работни места и повеќе пари во стопанството.

ЦЕНТАР ЗА КОМУНИКАЦИИ СО ЈАВНОСТ

СОЦИЈАЛДЕМОКРАТСКИ СОЈУЗ НА МАКЕДОНИЈА

_________________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

Back to top button
Close