0_Македонија.ПорталВидео изјаваПолитикаПретседателски избори 2019

Пендаровски: На 5 мај да излеземе и со својот глас да ја запечатиме нашата европска иднина

Кандидатот за претседател на СДСМ и коалицијата Стево Пендаровски, денеска ги повика граѓаните да излезат да гласаат на вториот круг од изборите на 5 мај, со цел, како што рече, бидејќи на овие избори се носи клучна одлука во клучен момент за нашата земја и нашата иднина.

Скопје, 3 мај 2019 (МИА) – Кандидатот за претседател на СДСМ и коалицијата Стево Пендаровски, денеска ги повика граѓаните да излезат да гласаат на вториот круг од изборите на 5 мај, со цел, како што рече, бидејќи на овие избори се носи клучна одлука во клучен момент за нашата земја и нашата иднина.

– Со резултатот од првиот круг покажавте дека сакате заедништво и напредок. Вие добро знаете што е разликата меѓу мојот концепт кој води напред и поделбите и изолацијата на Силјановска и Мицкоски кои водат назад. Овие избори се пред сѐ битка во која мораме да обезбедиме државата да продолжи напред. На овие избори се носи клучна одлука во клучен момент за нашата земја и нашата иднина, рече Пендаровски.

Истакна дека за оваа одлука секој човек е важен, и оти е важен сечив глас.

– Важен е гласот во кутијата, но и гласот што во првиот круг остана дома. И едниот и другиот глас праќаат јасна порака и таа порака е примена. Ве уверувам дека гласно ќе ја критикувам секоја власт која нема да ги слуша потребите на граѓаните, ќе го осудувам секој кој ќе посегне по нивните права, кој ќе работи против демократијата и правдата и ќе се обиде да поттикне поделби и конфликти. Јас силно верувам дека само обединети и заедно можеме да одиме напред, посочи тој.

Според него е кристално јасно дека најголем дел од граѓаните, и од тие што гласаа и од тие што останаа дома се определени за европската иднина на нашата земја, за членство во НАТО и ЕУ, за пријателство со соседите, за да бидеме почитувани во светот, да имаме странски инвестиции, добро платени работни места и реформи според европски стандарди.

Подвлече дека ги повикува граѓаните да излезат да гласаат на 5 мај и масовно да го заокружат бројот 3.

– Од седење дома единствено корист ќе имаат ВМРО-ДПМНЕ, Силјановска, Мицкоски и Груевски. Режимот не смее повторно да добие шанса. Драги сограѓани, Македонци, Албанци, Турци, Роми, Власи, Срби, Бошњаци, сите етнички заедници. Нам ни треба општество кое им гарантира еднакви права на сите, а не поделби и дискриминација. Ни треба вистинска правда, а не партиски привилегии. Сакаме развој и напредок, обединета и сигурна држава, повеќе перспективи за нашите млади дома. Затоа, ве повикувам никој да не остане дома на 5 мај. Да излеземе и еднаш засекогаш да ја запечатиме нашата европска иднина. Да одиме заедно напред, вели Пендаровски во пораката до граѓаните. нд/сд/

Таг
Back to top button
Close