0_Web_Актуелно0_Македонија.ПорталПолитика

И младите иселени од земјава ќе може да конкурираат за економски промотори

Младите иселени од земјава и школувани надвор може да бидат некои од потенцијалните економски промотори во трите канцеларии за привлекување странски инвестиции што треба да бидат отворени наскоро во САД, Германија и Турција.

Скопје, 15 мај 2019 (МИА) – Младите иселени од земјава и школувани надвор може да бидат некои од потенцијалните економски промотори во трите канцеларии за привлекување странски инвестиции што треба да бидат отворени наскоро во САД, Германија и Турција.

Како што соопшти денеска вицепремиерот Кочо Анѓушев, непрецизирајќи кога точно ќе  профункционираат канцелариите, огласот за промоторите ќе биде јавен, транспарентен и ќе бара висок степен на едукација на кандидатите, посебно познавање странски јазици, пред се за подрачјето што ќе го покриваат.

Пред почетокот на дебатата со студентите од Меѓународниот балкански универзитет, Анѓушев порача дека македонската дипломатија полека треба да се ориентира кон бизнисот и да отвора нови перспективи зашто во овој сегмент има простор за сериозен напредок.

-Нашата економија треба да биде отворена и насочена кон извозот. Со канцелариите и економските промотори како многу поевтин концепт на промоција на деловните можности што ги нуди земјава, ќе се потрудиме да привлечеме високо технолошки развиени компании кои ќе вработуваат квалификувани, образовани млади луѓе и ќе даваат големи плати. Во исто време, сакаме да помогнеме и во отворањето нови пазари за нашите производи, напомена вицепремиерот.

Тој информира дека измените на Законот за ТИРЗ со кој треба да се овозможи отворањето на канцелариите за економска промоција се веќе изготвени и треба да ја поминат владината процедура по што ќе бидат испратени во Парламентот.

Одговарајќи на новинарско прашање, Анѓушев рече дека канцелариите најпрво ќе почнат да работат со три до четири претставници, а потоа, зависно од обемот на работа, ќе се размислува за евентуално проширување на тимовите.

На панел дискусијата „Бизнис и дипломатија“ присуствува и Штефан Петер, претседател на Советот на странски инвеститори во Стопанската комора на Македонија. Фокусот е ставен на отворањето нови димензии на македонската дипломатија и нејзино диверзифицирање во економска, културна,… мч/сд/

Back to top button
Close