0_Web_Актуелно0_Македонија.ПорталГраѓански секторДописници МКДОпштински вести

Владика Петар: Официјалното признавање на МПЦ е само преку Цариградската патријаршија

Во очекување сме на одговор од вселенската Патријаршија и од Вселенскиот Патријарх на писмото што го испрати МПЦ-ОА и тоа ќе биде, најверојатно, кога ќе се создадат можностите приликите за да започнат официјални преговори. Официјалното признавање на МПЦ-ОА е само преку Цариградската патријаршија, изјави владиката Петар денеска во Прилеп, кој чиноначалствуваше со богослужбата во прилепската цркав „Свето Благовештение“.

Прилеп, 7 април 2019 (МИА) – Во очекување сме на одговор од вселенската Патријаршија и од Вселенскиот Патријарх на писмото што го испрати МПЦ и тоа ќе биде, најверојатно, кога ќе се создадат можностите приликите за да започнат официјални преговори. Официјалното признавање на МПЦ е само преку Цариградската патријаршија, изјави владиката Петар денеска во Прилеп, кој чиноначалствуваше со богослужбата во прилепската црквата „Свето Благовештение“.

– Досега имаше неофицијални, но очекуваме известување за да започнат официјалните разговори. Признавањетона автокефалноста на МПЦ е преку Цариград. А признавањето од една, две или три Цркви е една работа. Се додека Цариградската патријаршија, или цариградскиот Патријарх не потпише томус за признавање на автокефалност, не би можело да биде прифатено признавањето афтокефалност на која било црква, објаснува владиката Петар.

Политичките доближувања со соседните држави може да придонесат за признавањето на МПЦ. Што се однесува до заедничкото патување во Ерусалим помеѓу архиереите на МПЦ и на БПЦ, тоа е формалност, зашто секој архиереј ќе го прими благодатниот оган за својата Црква.

– Ние повеќе години го примаме благодатниот оган од Ерусалим, но годинава нашиот блажен Архиепископ одлучи да испрати наш архиереј во Ерусалим. Се разбира дека ќе има и архиереј на Бугарската православна црква и заедно ќе бидат во Ерусалим и секој архиереј ќе си го донесе за својата црква благодатниот оган. Разликата е што овој пат архиереите на двете цркви, на МПЦ и на БПЦ ќе патуваат заедно, со авион, најверојатно на владата на Бугарија, рече владиката Петар. ем/нд/

Back to top button
Close
Close