СветСвет.Портал

Уапсени браќата на Ал Башир поради корупција

Новите воени лидери во Судан денеска ги уапсија двајцата браќа на соборениот претседател Омар ал Башир поради корупција во рамките на големата операција против официјални лица и приврзаници на поранешната влада

Картум, 18 април 2019 (МИА) – Новите воени лидери во Судан денеска ги уапсија двајцата браќа на соборениот претседател Омар ал Башир поради корупција во рамките на големата операција против официјални лица и приврзаници на поранешната влада.

Абдул и Абас ал Башир се во притвор, изјави портпаролот на Привремениот воен совет без да наведе детали.

Суданската армија го смени минатата недела претседателот Ал Башир по четиримесечните улични демонстрации против неговото 30-годишно владеење обележано со конфликти, граѓанска војна и корупција.

Меѓународниот кривичен суд за злосторства во западен Дарфур бара Ал Башир поради обвинение за геноцид и злосторства против човештвото.

Соборениот судански претседател е во затворот Копер во Картум, познат по политичките затвореници.

Армијата исто така притвори голем број блиски соработници на Ал Башир и на поранешните владини претставници. ми/

Таг
Back to top button
Close