ЕвропаЕвропа.Портал

Парламентарни избори во Финска

Финците, по четири години поминати со строги мерки за штедење кои ја извлекоа земјата од рецесија, денеска гласаат на парламентарни избори на кои социјалдемократите би можеле да ја победат екстремната десница.

Хелсинки, 14 април 2019 (МИА) – Финците, по четири години поминати со строги мерки за штедење кои ја извлекоа земјата од рецесија, денеска гласаат на парламентарни избори на кои социјалдемократите би можеле да ја победат екстремната десница.

Избирачките места биле отворени утрово во девет часот, а околу 1,5 милион избирачи, односно над една третина, веќе претходно гласале благодарејќи на можноста да го дадат својот глас порано.

Според анкетите, опозициските социјалдемократи веројатно ќе станат најсилна финска партија и ќе ја преземат клучната улога за формирање идна влада по изборите.

Истражувањата покажуваат дека социјалдемократите, предводени од поранешниот министер за финансии Анти Рине, би требало да освојат околу 20 отсто гласови пред ултрадесничарската „Вистински Финци“ и десничарската Партија на народната коалиција, кои го делат второто место со околу четири проценти помалку од социјалдемократите. гт/

Таг
Back to top button
Close