0_Магазин.ПорталКујна

Руско ќофте

Убава идеја за денешниот ручек...

Убава идеја за денешниот ручек…

Потребно е:
500 г мешано мелено месо (говедско и свинско)
1 јајце
неколку лажици лебни трошки
3 млади кромитчиња, ситно сечкани
300 г шампињони, сечкани на ливчиња
2 поголеми кисели краставички, исечени на стапчиња
250 мл неутрална павлака
1 лажица брашно
1 лажица мелена црвена пиперка
1 лажица сенф
малку свеж магдонос
сол, црн пипер
масло

Подготовка:
– Во еден сад ставете ги месото, јајцето, малку сол, црн пипер и лебните трошки. Со раце замесете ја смесата да се соединат сите состојки.

– Од оваа смеса кинете мали парчиња и со раце обликувајте ќофтенциња.

– Ќофтенцињата ставете ги да се пржат на врело масло да поруменат од сите страни. Готовите ќофтиња ставете ги на една чинија.

– На истото масло (додадете малку масло ако е потребно) испржете ги сечканиот млад кромид и печурките околу 5 минути.

– Пред крај додадете ги и сечканите кисели краставички, брашното, мелената црвена пиперка, сенфот и павлаката. Оставете да почне да врие и потоа додадете ги и ќофтенцата. Зачинете по вкус.

– Горната смеса пресипете ја во огноотпорна тава и ставете да се пече во претходно загреана рерна на 200 Целзиусови степени 15-тина минути.

– Пред служење посипете со сечкан свеж магдонос.

Таг

Провери го и ова

Close
Back to top button
Close