0_Web_Актуелно0_Web_Избор на уредникот0_Македонија.ПорталПолитикаХроникаХроника.Портал

ОЈО Скопје нема истражен центар, нема истражители, а недостасуваат и 16 обвинители

Основното јавно обвинителство Скопје како најголемо обвинителство, кое покрива 90 отсто од криминалот во државата, нема истражен центар, нема истражители, а недостасуваат и 16 јавни обвинители, рече јавниот обвинител Сашо Рајчев на денешната прес-конференција, на која ги презентираше информациите за автобуската несреќа што се случи пред еден месец кај скопското село Ласкарци.

Скопје, 14 март 2019 (МИА) – Основното јавно обвинителство Скопје како најголемо обвинителство, кое покрива 90 отсто од криминалот во државата, нема истражен центар, нема истражители, а недостасуваат и 16 јавни обвинители, рече јавниот обвинител Сашо Рајчев на денешната прес-конференција, на која ги презентираше информациите за автобуската несреќа што се случи пред еден месец кај скопското село Ласкарци.

-Со оглед на тоа дека станува збор за доста обемна предистражна постапка, работат двајца обвинители. ОЈО Скопје е најголемо обвинителство и покрива 90 отсто од криминалот во Македонија, но нема истражен центар, нема истражители, а недостасуваат 16 јавни обвинители. По систематизација од 85 стручни работници имаме само 16 на неопределено, од 35 дактилографи по систематизација имаме само 10, рече Рајчев.

Оваа година, како што посочи тој, ја завршиле со долг од над девет милиони денари за вештачења, преводи…

-Бидејќи сè уште немаме истражен центар и истражители, а претходната постапка за автобуската несреќа кај Ласкарци е многу обемна, со наредба побаравме тројца истражители од МВР и ги добивме. И тие сè уште се тука додека целосно не ја завршиме истрагата. Овие истражители макотрпно работеа, како и јавните обвинители во обезбедување на материјалната документација за двете правни лица, обезбедување на вербалните докази, носење сведоци во Обвинителството…, рече Рајчев.

Одговарајќи на новинарско прашање во врска со натписите за говор на омраза поврзани со несреќата кај Ласкарци, јавниот обвинител одговори дека од МВР имаат повеќе известувања кон кои се приложени тие натписи.

-Ние од обвинителски аспект сега проверуваме дали кај тој што ги пишува тие натписи постои умисленост да се разгори омраза и нетрпеливост, затоа што станува збор за многу тешко кривично дело, рече Рајчев.

Во контекст на тоа додаде дека многу често натписите може да се пишуваат од профили на социјалните мрежи од лица со лажни профили и голема е процедурата на проверка.

Несреќата се случи на 13 февруари кога автобусот на „Дурмо турс“ со 51 патник излета од патот Тетово – Скопје и падна во провалија откако ја проби заштитната ограда на автопатот. Во несреќата загинаа 15 лица, а 39 беа повредени. дма/сд/

 

 

 

Back to top button
Close