0_Спорт.ПорталРезултатиТенис

Надал и Федерер се пласираа во четвртфиналето на Индијан Велс

За пласман во полуфиналето во Индијан Велс, Рафа ќе има сериозна пречка оваа година - 12-тиот во шемата, Русинот Карен Хачанов.

Индијанаполис, 14 март 2019 (МИА) – Поранешниот број еден во светскиот тенис, Рафаел Надал продолжува со сигурна игра на првиот за годината турнир од сериите „Мастерс 1000“ во Индијанаполис. Негова жртва беше Србинот Филип Краиновиќ, а средбата меѓу нив траеше околу час и половина.

Во неа Шпанецот победи со 6: 3, 6: 4 и најде место во четвртфиналето. Тој продолжува со страшни перформанси во Калифорнија, откако се уште нема загубено сет, иако не сретна силни ривали на патот досега.

За пласман во полуфиналето во Индијан Велс, Рафа ќе има сериозна пречка оваа година – 12-тиот во шемата, Русинот Карен Хачанов. Тој се справи со Џон Иснер и ја отстрани последната надеж на домаќинот во машкиот дел од турнирот. Како и обично во натпреварите на Американецот, шансите за брејк беа ретки. Единствениот за целот меч дојде во првиот сет и беше за Хачанов, кој го загарантира неговото освојување.

Вториот беше решен по тај-брејк во кој рускиот тенисер беше бескомпромисен.

Роџер Федерер исто така го продолжува својот пат во Индијан Велс. Швајцарецот триумфираше против 22-иот носител, Кајл Едмунд, кој е и првиот рекет на Велика Британија, со 6:1, 6:4.

Средбата траеше малку повеќе од еден час, а уште од самиот нејзин почеток беше јасно кој ќе биде победникот. Маестро наметна убиствен ритам и лесно го отстрани својот противник.

Во четвртфиналето Швајцарецот ќесе соочи со можеби најголемото и напријатно изненадување на турнирот – Полјакот Хумберт Хуркач. 67-иот во светот забележа уште една изненадувачка победа во Индијан Велс, откако триумфираше на 24-тиот носител, Денис Шаповалов, кој исто така одигра силен турнир.

Двајцата понудија двочасовна битка во која Хуркач излезе како краен победник по 7:6, 2:6, 6:3.вз

Таг
Back to top button
Close