0_Македонија.ПорталПолитика

Вулин: Скопје е центар за разузнавачки активности против Србија

Скопје стана она што порано беше Будимпешта, центар на разузнавачки работи против Србија, место каде што се обезбедува финансирање и поддршка за кодоши и ситни крадци од целиот регион, за политичари кои веруваат дека единствениот пат за да дојдат на власт е преку соработка со странците, изјави српскиот министер за одбрана Александар Вулин.

Белград, 19 февруари 2019 (МИА) – Скопје стана она што порано беше Будимпешта, центар на разузнавачки работи против Србија, место каде што се обезбедува финансирање и поддршка за кодоши и ситни крадци од целиот регион, за политичари кои веруваат дека единствениот пат за да дојдат на власт е преку соработка со странците, изјави српскиот министер за одбрана Александар Вулин.

Тој на ваков остар начин ја нападна Северна Македонија, коментирајќи ја вчерашната средба во Скопје на премиерот Зоран Заев со лидерот и основачот на опозицискиот блок „Сојуз за Србија“ (СзС), Драган Ѓилас, на која, како што соопштија од СзС, станало збор за „актуелната состојба во Србија и за двомесечните граѓански протести во Србија „Еден од пет милини“.

-Цврстата позиција на претседателот Александар Вучиќ дека Србија нема да прифати власт на амбасадорите го доведе под непосреден удар од страна на службите. Скопје стана простор од каде почнуваат и од каде ќе се поттикнуваат напади против Србија и нејзиниот претседател, рече Вулин за провладиниот весник „Вечерни новости“. об/вј/

Back to top button
Close