0_Web_Актуелно0_Македонија.ПорталПолитикаХроникаХроника.Портал

Обвинетиот Митрески за „27 април“: Бевме изманипулирани од идејата за т.н. Тиранска платформа

Скопје, 21 февруари 2019 (МИА) – Обвинетиот Никола Митрески-Кољо во завршните зборови на судењето за настаните во Собранието на 27 април 2017 година рече дека жали за случувањата и им се извини на сите присутни пратеници, граѓани и новинари од 27 април.
– Јавноста да знае дека ние бевме изманипулирани од идејата за таканаречената Тиранска платформа, предводена од организаторите политичари, истакна Кољо.
За влезот во Собранието, Кољо рече дека стои зад секоја негова грешка и призна дека тој ја скршил стаклената врата, а не обвинетиот Леви.
Митревски, како и претходните обвинети, се осврна на сведочењата на браќата Михаил и Стефан Младеновски, за кои посочи дека има нелогичности и дека тоа може да се докаже со листинзите од мобилните за неговото движење на 27 април.
– Кога Стефан сведочеше на паузата во тоалетите на судот Стефан ме повлече и ми рече: „Не сум под заклетва, сега бев кај судијката која ми понуди заштита од закани“, рече Кољо.
За завршен збор на судењето за „27 април“ останува уште обвинетиот Александар Василевски-Нинџа.

Back to top button
Close