0_Web_АктуелноОпштински вестиСкопје

Град Скопје три години по техничкиот прием нема да дозволува прекопи на улиците

Град Скопје испрати допис до сите државни институции, претпријатија и поголеми компании во кој се наведени сите сообраќајници и објекти на кои се предвидени градежни активности во 2019 година, во кој ги потсетува дека по завршувањето на градежните работи на објектите нема да бидат дозволени попречни и надолжни прекопи на сообраќајницата во наредните три години, сметано од денот на технички прием на објектот.

Скопје, 12 февруари 2019 (МИА) – Град Скопје испрати допис до сите државни институции, претпријатија и поголеми компании во кој се наведени сите сообраќајници и објекти на кои се предвидени градежни активности во 2019 година, во кој ги потсетува дека по завршувањето на градежните работи на објектите нема да бидат дозволени попречни и надолжни прекопи на сообраќајницата во наредните три години, сметано од денот на технички прием на објектот.

-Поради овие причини, доколку постои потреба од поставување на некакви инсталации или друг вид на градежни интервенции на посочените сообраќајници, потребно е да се поднесе барање до Град Скопје со цел координирање на понатамошните активности, велат од Град Скопје.

Како што најави градоначалникот Шилегов, додаваат, Градот Скопје ќе донесе нов правилник за издавање дозволи за вршење прекопи на улиците, и во иднина ќе има заострени критериумите за добивање дозвола за вршење прекоп на улиците, повисоки критериуми за начинот на кој ќе се вршат овие прекопувања, како и скратени рокови за завршување на градежните активности. вј/са/

 

Back to top button
Close