Наука и технологија

„Редми ноут 7“ – 48 MП камера и ниска цена

Цената на „редми ноут 7“ во Кина започнува од 999 јуани (128 евра) за верзијата со 3 ГБ РАМ и 32 ГБ РОМ-меморија, таа со 4 ГБ/64 ГБ чини 1.199 јуани (153 евра), а со 6 ГБ/64 ГБ се продава за 1.399 јуани (179 евра ). Преднарачките во Кина почнаа денеска, а продажбите започнуваат на 15 јануари

Пекинг, 10 јануари 2019 (МИА) – „Ксиаоми“ започна да нè подготвува за својот прв смартфон со 48 МП камера пред крајот на минатата година, но неговата официјална премиера се одржа денеска.

Иако со импресивна резолуција, уредот е дел од серијата од ниска класа „редми“ што е одлична вест за оние кои сакаат да се здобијат со доста евтин телефон. Станува збор за „редми ноут 7“, кој нуди 6,3-инчен 19,5:9 екран со резолуција 1080 п, пресек во вид на „капка“ на врвот на дисплејот, стакло „горила глас 5“ и се потпира на чипсет „снапдрагон 660“ во комбинација со 3/6 ГБ РАМ и 32/64ГБ РОМ-меморија. Додадено е УСБ тип-Ц приклучок, слот за микроЕсДе и инфраре порт. Напред има и 13 МП камера за селфи.

Уредот нуди батерија со капацитет 4.000 милиампер-часови и има сензор за отпечатоци на задниот капак. Задната камера е двојна, откако нуди 48 МП главен сензор „самсунг ИСОСЕЛЛ брајт ГМ1“ со бленда ф/1,8 и 5 МП сензор за добивање информации за длабочината на сцената. Камерата може да прави 48 МП слики со своите пиксели со големина едвај 0,8 микрометри – тоа е соодветно за добро осветлени услови или да комбинира 4 пиксели во една со големина 1,6 микрометри за добивање на 12 МП слики кај помалку амбиентална светлина.

Премиерата на „редми ноут 7“ го означи почетокот на „редми“ како независен бренд под шапката на „Ксиаоми“. Паметниот телефон исто така нуди и ново лого кое го содржи текстот „Редми бај Ксиаоми“. Уредот е прв во Кина, кој ќе биде понуден со гаранција од 18 месеци. Инаку на настанот беше најавено дека до 30 септември глобалната продажба на телефоните „редми“ достигна 278 милиони единици, а новата структура на марката би требало да ја забрза експанзијата на „Ксиаоми“ на меѓународните пазари.

Цената на „редми ноут 7“ во Кина започнува од 999 јуани (128 евра) за верзијата со 3 ГБ РАМ и 32 ГБ РОМ-меморија, таа со 4 ГБ/64 ГБ чини 1.199 јуани (153 евра), а со 6 ГБ/64 ГБ се продава за 1.399 јуани (179 евра ). Преднарачките во Кина почнаа денеска, а продажбите започнуваат на 15 јануари.вз

Таг
Back to top button
Close