0_Спорт.ПорталТенис

Федерер: Сакам да ја завршам кариерата на „Вимблдон“

Федерер, кој е професионалец од 1998 година, освои 99 титули. Се очекува тој да не сопре со тенисот до Олимпијадата во Токио во 2020, каде што ќе се обиде да додаде златен медал кон триумфот во парови во Пекинг во 2008.

Мелбурн, 11 јануари 2019 (МИА) – Роџер Федерер откри дека би сакал да ја заврши кариерата на „Вимблдон“, каде што тој ја освои првата од 20-те Гренд слем титули. Актуелниот двократен шампион на Австралија Опен изјави дека не сака „крај од бајките“ на својата кариера, туку да го напушти теренот во добра здравствена состојба.

– Има многу места кои се посебни за мене, за среќа. Но да, ако треба да одберам, „Вимблдон“ ќе биде идеално место за да ја завршам својата кариера. Не мислам да се откажам, ако освојам Гренд слем титула на некое определено место, вели Швајцарецот за Си-Ен-Ен.

Федерер, кој е професионалец од 1998 година, освои 99 титули. Се очекува тој да не сопре со тенисот до Олимпијадата во Токио во 2020, каде што ќе се обиде да додаде златен медал кон триумфот во парови во Пекинг во 2008.

– Мислам дека медиумите очекуваат да ја завршам кариерата со голема титула, а јас одамна не сакам да завршам на тој начин. Додека сум здрав и уживам во својата игра, знам дека ќе биде емоционално. Ова треба да биде среќен ден, кој правилно ќе се прослави, а не сите да бидат тажни, како да е погреб, рече Федерер.

Маестро ја започнува одбраната на титулата на Австралија Опен со дуел во првиот круг против узбекистанецот Денис Истомин, кој во 2017 година го победи изненадувачки во вториот круг тогашниот шампион и актуелен број 1 во светот – Новак Ѓоковиќ. вз

Таг
Back to top button
Close