0_Спорт.ПорталКошаркаРезултати

Денвер со голем пресврт против Мемфис, Јокиќ на висина на задачата (видео)

Нагетс, предводени од Никола Јокиќ, го направија најголемиот пресврт во историјата на франшизата, компензирајќи дури 25 поени заостанување на гостувањето во Тенеси.

Мемфис, 29 јануари 2019 (МИА) – Кошаркарите на Денвер Нагетс ги совладаа Мемфис Гризлис со 95:92 во натпревар кој ќе остане запишан во историјата на тимот од Колорадо.

Нагетс, предводени од Никола Јокиќ, го направија најголемиот пресврт во историјата на франшизата, компензирајќи дури 25 поени заостанување на гостувањето во Тенеси.

Јокиќ постигна 24 поени (10/20 од игра) против еден од најдобрите центри во лигата, Марк Гасол,додавајќи и 5 скокови, 4 украде ни топки и 3 асистенции, а неговиот кош на 29 секунди пред крајот го донесе пресвртот за Денвер (93:92).

Следеа две промашувања на Кајл Андерсон кој прави два офанзивни скока, но по вториот оди надвор од границите на теренот, прави фаул над Гери Харис, кој на линијата од слободни фрлања на 2,5 секунди пред крајот ја „потврдува“ победата за „грутките“.

Вил Бартон со 20 поени и 5 скока беше солиден кај гостите, 18 додаде Малик Бисли, додека Херис постигна 11 (4/11 од игра).

Гризлис го предводеше Гасол со 28 поени и 9 скокови, но, исто така, имаше 7 загубени топки. Мајк Конли постигна 23 поени со 11 асистенции.

Резултати од НБА:

Индијана – Голден Стејт 100: 132
Шарлот – Њујорк 101: 92
Бостон – Бруклин 112: 104
Мемфис – Денвер 92:95
Лос Анџелес Клиперс – Атланта 118: 123.вз

Таг
Back to top button
Close