ЕвропаЕвропа.Портал

Принцот Чарлс: Кога ќе бидам крал нема да се мешам во политика

Британскиот принц Чарлс изјави дека нема да се меша во државните прашања кога ќе стане крал „бидејќи тоа би било бесмислено“.

Лондон, 8 ноември 2018 (МИА) – Британскиот принц Чарлс изјави дека нема да се меша во државните прашања кога ќе стане крал „бидејќи тоа би било бесмислено“.

Во интервју за Би-би-си по повод 70. роденден, британскиот престолонаследник, кој беше критикуван поради ставот за климатските промени, истакна дека ќе мора поинаку да се однесува кога ќе стане крал.

Чарлс наведе дека кралот мора да дејствува во рамките на „уставните параметри“.

Тој во интервјуто ги бранеше и своите постапки од минатото, вклучително и формирањето на Фондацијата за помош на социјално загрозените млади луѓе во 1976 година.

Принцот Чарлс се залагаше и за прашањата, како зачувување на природната средина, архитектурата и употребата на генетски модифицираната храна (ГМО).

На британскиот монарх, според правилата, му е забрането да се меша во политика. ми/

Таг
Back to top button
Close