0_Македонија.ПорталМакедонија.СлајдерПолитика

Шекеринска во Брисел на прв состанок со физичко присуство на НАТО-министрите за одбрана од почетокот на пандемијата

Министерката за одбрана Радмила Шекеринска денеска и утре во седиштето на Алијансата во Брисел ќе учествува на состаноците на Северноатлантскиот совет на НАТО, организирани со физичко присуство за прв пат по членството на Северна Македонија во Алијансата.

Скопје, 21 октомври 2021 (МИА) – Министерката за одбрана Радмила Шекеринска денеска и утре во седиштето на Алијансата во Брисел ќе учествува на состаноците на Северноатлантскиот совет на НАТО, организирани со физичко присуство за прв пат по членството на Северна Македонија во Алијансата.

Шекеринска и министрите за одбрана на сојузниците на сесиите на Северноатлантскиот совет ќе донесат одлуки кои ќе ја зацврстат безбедноста на Алијансата и колективната одбрана, а ќе разговараат и на повеќе теми, меѓу кои и геостратегиските предизвици за Алијансата, состојбата во Авганистан и соработката со ЕУ и партнерите со кои Алијансата и земјите членки споделуваат заеднички вредности, соопшти МО.

Во Брисел, Шекеринска ќе има средба и со директорот на Европската служба за надворешно дејствување, Стефано Санино. 

Делегација од Министерството за одбрана, во седиштето на НАТО ќе се сретне и со претставници од НАТО-агенциите за набавки, каде што ќе стане збор за воспоставување директна, постојана и ефикасна комуникација на Центарот за поддршка на компании во Министерството и двете НАТО-агенции со цел поголема ефикасност во поддршката на домашните компании за учество во НАТО-набавките. са/

Провери го и ова

Close
Back to top button
Close
Close