0_Спорт.ПорталФудбал

Шевченко може да ја предводи турската репрезентација

Поранешниот селектор на украинската репрезентација Андриј Шевченко е еден од кандидатите за предводник на турската репрезентација, информира „ Kicker“.

Истанбул, 17 септември 2021 (МИА) – Поранешниот селектор на украинската репрезентација Андриј Шевченко е еден од кандидатите за предводник на турската репрезентација, информира „ Kicker“.

За оваа позиција се кандидира и Стефан Кунц, кој е на чело на германската младинска селекција (играчи до 21 година). Претходно, тој веќе ја посети Турција на покана од Фудбалската федерација на земјата, но страните не постигнаа никаков договор.

Турската репрезентација беше предводена од Шенол Гунеш. Тој ја напушти функцијата овој месец откако беше поразен од Холандија (1:6) во квалификацискиот натпревар за СП 2022 година.

Шевченко (44) работи со украинската репрезентација од 2016 година. Под негово водство, тимот стигна до четвртфиналето на Евро 2020. зс/

Таг
Back to top button
Close
Close