0_Спорт.ПорталРезултатиСпорт.СлајдерТенис

Синер ја освои четвртата титула во сезоната и се израмни со Ѓоковиќ, Медведев и Зверев

Дваесетгодишниот Јаник Синер го победи Диего Шварцман во денешното финале на турнирот во Антверп, Белгија со 2:0, двата сета ги доби со по 6:2.

Антверп, 24 октомври 2021 (МИА) – Дваесетгодишниот Јаник Синер го победи Диего Шварцман во денешното финале на турнирот во Антверп, Белгија со 2:0, двата сета ги доби со по 6:2.

Италијанецот ја освои својата петта титула во кариерата и четврта сезонава. Во однос на бројот на трофеи во 2021 година, тој се израмни со Новак Ѓоковиќ, Данил Медведев и Александар Зверев. Само Каспер Руд има повеќе титули (5) во 2021 година.

По триумфот во Белгија, Синер ќе напредува на 11. место на АТП ранг-листата.

Италијанскиот тенисер е најмладиот носител на пет титули на АТП од 2007 година наваму. Претходно Ѓоковиќ до својата петта титула дојде кога имаше само 19 години. зс/

Таг
Back to top button
Close
Close