Локални избори 2021Политички партии

Петровска: Со успешни примери од европските метрополи ќе го направиме Скопје зелен и хуман град

Кандидатот за градоначалник на Скопје Ана Петровска и носителката на советничката листа на Зелен хуман град, Драгана Велковска, имаа онлајн-средба со претставници на германските Зелени - градоначалникот на вториот дистрикт во градот Диселдорф, Патрик Шифер, советникот и почесен конзул на нашата земја во Северна Рајна Вестфалија, Холгер Арнт, и претседателот на Советот на емигрантски организации, Гоце Перовски.

Скопје, 13 октомври 2021 (МИА) – Кандидатот за градоначалник на Скопје Ана Петровска и носителката на советничката листа на Зелен хуман град, Драгана Велковска, имаа онлајн-средба со претставници на германските Зелени – градоначалникот на вториот дистрикт во градот Диселдорф, Патрик Шифер, советникот и почесен конзул на нашата земја во Северна Рајна Вестфалија, Холгер Арнт, и претседателот на Советот на емигрантски организации, Гоце Перовски.

Петровска во соопштение до медиумите информира дека разговарвле за заедничките заложби и зелени вредности кои ги негуваат и преку кои се обидуваат да го подобрат живеењето на граѓаните во градовите.

– Тие ни ги пренесоа своите искуства за зазеленување на Диселдорф, за напорите кои ги прават тој да има повеќе вело и пешачки патеки и за поголема вклученост на граѓаните во локалните политики, исто така како што и ние имаме намера да направиме во градот Скопје. Имаме многу што да научиме од германските градови за водење успешни зелени политики. Пријателските совети се секогаш добредојдени, им благодариме на големата поддршка. Заедно преку успешни примери од европските метрополи ќе го направиме Скопје зелен и хуман град, истакнува Петровска. хс/цр

Таг
Back to top button
Close
Close