Локални избори 2021Политички партии

Петровска изјави дека се дистанцира од Студијата за Гасоводот на Водно работена во 2011

Јас не сум работела само за Скопје, Гостивар, Кичево, туку за целата гасоводна мрежа за потребите на тогашен простор Куманово. Понатаму, деловите од она што јас сум го работела биле преземени од Технолаб и навистина не знам во која верзија тие делови се преземани, и како изгледа последната верзија на студијата работена во 2011 година, ниту можам да преземам одговорност за нешто што не сум потпишала, изјави денеска кандидатката за градоначалник на Град Скопје, Ана Петровска.

Скопје, 12 октомври 2021 (МИА) – Јас не сум работела само за Скопје, Гостивар, Кичево, туку за целата гасоводна мрежа за потребите на тогашен простор Куманово. Понатаму, деловите од она што јас сум го работела биле преземени од Технолаб и навистина не знам во која верзија тие делови се преземани, и како изгледа последната верзија на студијата работена во 2011 година, ниту можам да преземам одговорност за нешто што не сум потпишала, изјави денеска кандидатката за градоначалник на Град Скопје, Ана Петровска.

На новинарско прашање за Студијата за гасоводот на Водно, за која државната секретарка за животна средина, Каја Шукова, посочи дека Технолаб ја ангажирале сегашната кандидатка на Зелен хуман град како надворешен експерт и поради тоа, таа, како и сите што работеле на студијата, треба да сноси одговорност, Петровска изјави дека не учествувала во јавната расправа за студијата, ниту пак знае кога таа студија била одобрена, при што изјави дека целосно се дистанцира од истата.

– Јас сум работела на оваа студија во 2008 година. Студијата, според она што јас го гледам сега е од 2011, реактуелизирана, значи, користени се делови од мојот инпут, кој што сум го правела за гасоводната мрежа во цела Македонија, изјави таа. ар/ац/

Таг
Back to top button
Close
Close