Верски календар

Од верските календари

25 ноември 2021 (МИА) ОД КАЛЕНДАРОТ НА МПЦ Според календарот на МПЦ (Јулијанскиот календар) денеска е 12 ноември. Денеска е Св. Јован Милостивиот.

25 ноември 2021 (МИА)

ОД КАЛЕНДАРОТ НА МПЦ

Според календарот на МПЦ (Јулијанскиот календар) денеска е 12 ноември.

Денеска е Св. Јован Милостивиот.

Роден е на Кипар во кнежевско семејство. Од детството бил воспитуван како христијанин. Подоцна, по желба на родителите, се оженил и имал деца. Но, семејниот живот не му пречел непрестано да напредува во доблесниот живот. Кога му умреле жената и децата, бил избран за патријарх во Александрија. Ја управувал оваа Црква десет години. Од сите доблести, посебно го одликувала милостивоста, заради што и бил наречен милостив. Се успокоил на Кипар, во своето родно место, во 620 година. Неговите чудотворни мошти биле пренесени во Цариград, па дури во Будимпешта, и најпосле во Пресбург.

ОД КАТОЛИЧКИОТ КАЛЕНДАР

Денеска е Св. Катерина, Девица и маченичка.

За неа постојат многу легенди, меѓу кои е и следнава: “Максимин Даиа (службеник на царот Диоклецијан), кој дошол на власт во римските африкански провинции, одлучил да се разведе од својата жена и да се ожени со Катерина. Младата христијанка одлучно го одбила. Тој ја соочил со педесеттина филозофи со цел, тие да ја убедат, дека Исус кој умрел на крст, не може да биде Господ. Но, Катарина, служејќи се со говорна вештина и силното верување, ги придобила на своја страна мудреците, така што тие го признале Исус за Господ. Поради тоа Максимин се расбеснил и наредил да биде убиена Катарина и сите мудреци. На Катарина и била отсечена главата. И се молат студентите.

###

Back to top button
Close
Close