0_Спорт.ПорталФудбал

Мурињо по поразот од Јувентус: Тимот што заслужи да победи загуби

Тренерот на Рома, Жозе Мурињо даде свое видување на поразот од Јувентус (0:1) во Серија А.

Торино, 18 октомври 2021 (МИА) – Тренерот на Рома, Жозе Мурињо даде свое видување на поразот од Јувентус (0:1) во Серија А.

– Можам само да кажам дека денес видов одлична Рома. Така им реков на играчите во соблекувалната. Да, зборуваме за пораз и нула бодови, но Рома беше одлична во секој поглед. Видов храброст, доверба, верба. Очигледно, поразот останува пораз, но треба да го погледнете проектот, во растот на тимот со текот на времето. Видов дека тимот што заслужи да победи загуби. Ова е фудбал. Не сакам да го коментирам моментот со пеналот. Досега ги немам сите информации, не сум ја видел снимката. Сакам да се апстрахирам од она што се случи и да се фокусирам на она што го правеше мојот тим, рече Португалецот.

Римјаните во 44. минута не реализираа пенал за израмнување на резултатот.

По осум кола, Рома е на 4. место во Серија А со 15 бода, Јувентус е на 7. позиција со 14 бодови. зс/

Таг
Back to top button
Close
Close