Општински вестиОригинални текстовиСкопје

Казни за сопственикот кој рамнел земјиште на Водно, најавија од општина Центар

Во однос на вчерашниот прилог на ТВ Сител за никнување на нова населба во парк шумата Водно, Општина Центар Ве информира дека и вчера и денес инспекторите од Секторот за инспекциски работи на општината го завршија увидот.

Скопје, 20 октомври 2021

Општина Центар: Казни за сопственикот кој рамнел земјиште на Водно

Во однос на вчерашниот прилог на ТВ Сител за никнување на нова населба во парк шумата Водно, Општина Центар Ве информира дека и вчера и денес инспекторите од Секторот за инспекциски работи на општината го завршија увидот.

Се работи за 4 парцели во приватна сопственост, кои се надвор и од Деталниот урбанистички план и од Генералниот урбанистички план и се водат како земјоделско земјиште, односно лозја. На овие локации не е предвидена никаква градба ниту пак населба. На сопственикот ќе му биде врачено решение итно да го врати земјиштето во првобитна состојба и ќе биде изречена казна. Сопственикот исто така е пријавен во МВР, кое ќе го повика на разговор. Доколку се утврди прекршување на законските одредби, ќе добијат соодветни кривични пријави. Граѓаните да бидат спокојни, на тоа место нема ништо да се гради.

За сите понатамошни постапки, јавноста ќе биде информирана дополнително.

Одделение за односи со јавност
Општина Центар – Скопје
_______________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Back to top button
Close
Close