0_Web_Актуелно0_Македонија.ПорталВидео изјаваМакедонија.СлајдерОпштество

Заев: Патниците се од Северна Македонија, еден е од Прешево и еден со белгиско државјанство

Одговарајќи на новинарски прашања, Заев рече дека се уште не знае детали иако имал информација дека седумтемина што преживеале, кога настанала несреќата успеале да го скршат прозорецот кај задните седишта.

Скопје, 23 ноември 2021 (МИА) Ќе почекаме причините за несреќата да ги кажат стручните служби. Настраданите не се само од Скопје, туку се од повеќе места. Сите се граѓани на Северна Македонија, од повеќе националности се, но има и еден граѓанин од Прешево, Србија, кој заедно со вереницата од Куманово бил во Истанбул на прошетка. Во листата видовме и дека има едно лице со белгиско државјанство, изјави премиерот Зоран Заев кој денеска, заедно со министрите за здравство и за надворешни работи, Венко Филипче и Бујар Османи, ги посети седумте хоспитализирани во болницата Пирогов во Софија.

Одговарајќи на новинарски прашања, Заев рече дека се уште не знае детали иако имал информација дека седумтемина што преживеале, кога настанала несреќата успеале да го скршат прозорецот кај задните седишта.

-Ќе оставам на бугарските експерти да ги кажат анализите за причините на несреќата. Живите имаат впечаток како тоа се случило. Ако ние политичарите тоа го кажуваме, може да настане проблем. Не може премиерот на Северна Македонија да каже дали брзината била соодветна или дали бил исправен автобусот, тоа ќе го кажат стручните служби, експертите и професионалците, нагласи Заев.

Информацијата за несреќата тој, како што истакна, ја добил во 3:30 часот ноќеска од премиерот Стефан Јанев, а потоа му се јавил и претседателот Радев.

-Благодарен сум за посветеноста околу истрагата. Знам дека прават се како за свои граѓани. Ќе можеме по посетата на болницата од Јанев да се информираме за деталите. Прво ќе се видам со него, а со нас е постојано министерот Стоев. Благодарни сме на целата асистенција, подвлече Заев.

Тој информира и дека членови од семејствата на лицата кои се хоспитализирани веќе дошле во болницата.

-Тука се, имаа можност да си ги видат своите роднини, да поразговараат со нив, а дел од нив  ги запознаеме, рече премиерот.

Заев рече и дека министерот за внатрешни работи, Оливер Спасовски го информирал дека превозникот е „Беса транс“, кој стандардно и најчесто вози туристички тури на релација Истанбул – Софија – Скопје.

-Не можам да кажам детали, знам само како се вика фирмата, дека се занимава со туризам и дека има повеќе автобуси, како и дека се често на релација Истанбул – Софија – Скопје, нагласи Заев. мч/са/

Back to top button
Close
Close