Локални избори 2021Политички партии

Заев во Шуто Оризари: Носиме подобри услови за живот во секоја општина

Претседателот на СДСМ Зоран Заев денеска заедно со кандидатот за градоначалник Ферат Асан и носителката на листата за советници Нежмие Саитова се обрати пред граѓаните на Шуто Оризари.

Скопје, 15 октомври 2021 (МИА) – Претседателот на СДСМ Зоран Заев денеска заедно со кандидатот за градоначалник Ферат Асан и носителката на листата за советници Нежмие Саитова се обрати пред граѓаните на Шуто Оризари.

Заев пред граѓаните истакна дека за СДСМ нема важна и неважна општина, а доказ за тоа, како што кажа, се бројните инвестиции во Шуто Оризари.

– Овозможивме целосна вклученост на сите граѓаните во општеството. И со тоа покажавме дека се грижиме за сите. Ги враќаме парите кај граѓаните, помагаме на социјално загрозените граѓани преку социјалната помош од државата – но и извлекуваме од сиромаштија. Социјалната помош ја зголемивме за 300 проценти. Знаете колку корисници на гарантиран месечен приход, на детски додаток, на образовен додаток, на социјална пензија, има само овде во вашата општина. Воведовме образовен додаток за основци и средношколци од семејства во социјален ризик. Ја вративме евтината тарифа на струјата, ја укинавме радиодифузната такса и го намаливме ДДВ-то за парно. За три пати се зголемени минималната и просечната плата. Воведовме социјалана пензија за граѓаните кои немаат никаква пензија. Имаме рекордно ниска невработеност денес – од независноста на државата! Со сето ова ги обезбедивме сите предуслови да осигураме европскиот квалитет на живот во општините, истакна Заев.

Ги повика граѓаните на Шуто Оризари в недела да дадат масовна поддршка на бројот 12 и концептот на СДСМ што води напред.

– За Шуто Оризари ја имаме најдобрата понуда, тоа е вашиот Ферат Асан, носителката на листата Нежмие Саитова, тоа е СДСМ и Коалицијата. В недела да гласаме масовно за број 12, да гласаме за „Најдоброто“ за Шуто Оризари!, повика Заев. мс/мд/

Таг
Back to top button
Close
Close