0_Web_Насловна-слајдер0_Македонија.ПорталЛокални избори 2021Македонија.СлајдерПолитика

Заев: Владината коалиција е стабилна, не е време за предвремени парламентарни избори

Владината коалиција е стабилна. Комуникацијата е комплетна. Легитимно е секој да се бори за гласовите, изјави вечерва лидерот на СДСМ Зоран Заев коментирајќи ги денешните најави на коалициониот партнер „Беса“ во вториот круг од изборите да ја дадат поддршката за Алијанса на Албанците.

Скопје, 25 октомври 2021 (МИА) – Владината коалиција е стабилна. Комуникацијата е комплетна. Легитимно е секој да се бори за гласовите, изјави вечерва лидерот на СДСМ Зоран Заев коментирајќи ги денешните најави на коалициониот партнер Беса во вториот круг од изборите да ја дадат поддршката за Алијанса на Албанците.

Во гостувањето во централниот дневник на телевизија Сител, Заев рече дека не го разочарало ниту тоа што ЛДП и ДОМ како коалиоциони партнери јавно не ги повикале своите гласачи да ја дадат поддршката во вториот круг за кандидатите од коалицијата.

Вели дека имаат различности со коалиционите партнери, но оти ги поврзуваат генералните вредности како што се борбата против корупцијата, реформите во судството, евроинтеграциите …

– Тоа е убавината на една демократија и слобода. Ние имаме заеднички вредности во коалицијата и тоа не обединува. Важно е да ги мобилизираме сите гласачи со кои споделуваме заеднички вредности, рече Заев.

Седењето на граѓаните дома, според него, би значело враќање на режимот.

– Ние не изгубиме од ВМРО-ДПМНЕ, туку од тие што останаа дома. Еден дел адресираа сериозна казна поради ефикасноста во работењето и персоналните решенија, но верувам дека го променивме пристапот во нашата кампања. Седењето дома е комплетна поддршка за нашиот опомент, нагласи Заев.

Во вториот круг верува дека СДСМ ќе има видлива победа и очекува видлива разлика во корист на СДСМ во Скопје, Чаир, Карпош и Центар.

Доколку СДСМ го изгуби Скопје, Заев повтори дека не ќе може да ја води Владата бидејќи опозицијата би правела опструкции на политиките на централната власт. Сепак, ова, според него, не значи дека е време за предвремени парламентарни избори.

– Со Влада предводена од мене во која верувам дека ќе имаме неколку пратеници повеќе и граѓаните тоа го насетуваат, не можете да бидете локомотива и да бидете лидер ако се случи да имате спротиставени локални власти. Тоа е невозможно. Затоа ги повикувам граѓаните да излезат бидејќи со седејќи дома помагаат режимот да се врати, рече Заев.

Вели дека парламентарното мнозинство е сигурно, а не е согласува со предвремени парламентарни избори бидејќи според него следните две ипол години се неповторилива шанса да се развива економијата и да се валоризира веќе сработеното.

–  Сите крупни прашања се затворија. Дома немаме етнички отворени прашања, немаме отворени прашања со соседите, петте точки со Бугарија ги знаеме и ги работиме. Верувам дека по 14 ноември кога завршуваат изборите во Бугарија до следната седница на Советот за општини работи имаме доволно време тоа да го завршиме и да ја добиеме првата меѓувладина конференција, рече Заев. бак/са/

 

 

 

Back to top button
Close
Close